Нийгмийн хариуцлага

Математик, Мэдээлэл зүйн гүнзгийрүүлсэн сургалттай, англи хэлний олон улсын Pearson хөтөлбөр хэрэгжүүлэгч Мандах лицей ахлах сургууль.

Нийгмийн хариуцлага /нэмэлт мэдээлэл/

Тухайн байгууллагын тогтвортой хөгжилд оруулж буй хувь нэмрийг нийгмийн хариуцлага гэж үздэг. Өөрөөр хэлбэл, татвараа цаг хугацаанд нь төлөх, үйлдвэрлэсэн бүтээгдэхүүн нь байгаль орчинд ээлтэй, ажлын байран дахь цахилгаан, дулаанаа хэмнэдэг, ажилчдаа эрүүл мэндийн даатгалд хамруулдаг, хог хаягдлын хэмжээгээ бууруулдаг байх зэрэг юм. Манай сургуулийн хувьд дараах чиглэлийн дагуу нийгэм, хүмүүнлэг тусламжийн ажлуудыг хийдэг.

Нийгмийн халамж, тусламж үзүүлэх
Багш ажилтнуудад хөнгөлөлттэй зээл тусламж үзүүлэх, суралцагчдад төлбөрийн хөнгөлөлт үзүүлэх, эмзэг бүлгийн хүмүүст туслах.

Байгаль орчинд ээлтэй үйл ажиллагаа явуулах
Хог хаягдлын менежементийг сайжруулах, хүрээлэн байгаа орчны цэвэрлэгээ, үйлчилгээ.

Оролцогч талуудын эрүүл ахуй, ажлын байрны таатай орчинг бүрдүүлж, байнга хөгжүүлэх
Багш ажилтан, сурагчдыг урьдчилан сэргийлэх болон өдөр тутмын эрүүл мэндийн үзлэгт хамруулах, эрүүл мэндийн үйлчилгээ үзүүлэх, эрүүл тав тухтай цэвэр орчин бүрдүүлэх/

2023-2024 оны хичээлийн жилд

Нийгмийн хариуцлагын хүрээнд хийгдсэн ажлуудаас

Гэмт хэргээс урьдчилан сэргийлье

2023.09.13-ны өдөр БГД-ийн I хэлтэстэй хамтран “Үе тэнгийнхний дээрэлхэлт” сэдэвт сургалтыг хүүхдийн мэргэжилтэн ахмад Б. Түвшинжаргал 10, 11-р ангийн сурагчдад явууллаа.

Цас мөсөө цэвэрлэе

БГД-ийн Боловсролын хэлтсээс хүргүүлсэн “Цасаа цэвэрлэе” аяны удирдамжийн дагуу Мандах лицей ахлах сургуулийн багш, ажилчид 2023 оны 12 сарын 22-ны өдөр сургуулийн ойр орчмын талбайн цас, мөсийг цэвэрлэлээ.

2022-2023 оны хичээлийн жилд

Нийгмийн хариуцлагын хүрээнд хийгдсэн ажлуудаас

БГД-ийн 1-р хэлтсийн мэргэжилтнүүдтэй хамран сургалт зохион явууллаа

Нийгмийн хариуцлагийн хүрээнд сурагчдад эрсдэлээс урьдчилан сэргийлэх, мэдлэг түгээх, соён гэгээрүүлэх зорилгоор Мандах лицей ахлах сургуулийн нийт сурагчдад Баянгол дүүргийн цагдаагийн I хэлтсийн ахлах мэргэжилтэн ахмад Б.Алтан-өлзий , ахлах мэргэжилтэн ахмад Б.Батзаяа нар "Гэмт хэрэг, зөрчлөөс урьдчилан сэргийлэх арга зам", "Нийгэмд миний оролцоо" сэдэвт сургалт орлоо.

“Хогоо ангилан хаяцгаая” аян өрнүүллээ

Бид “Хогоо ангилан хаяцгаая” аяны хүрээнд хогоо ангилан ялгаж хэвших болон ангилан ялгалтын орчныг бүрдүүлэх, хог хаягдлыг багасгах арга хэмжээнүүдийг авч ажиллаж байна. Энэхүү аяны хүрээнд багш, ажилтан, сурагчдын дунд хог хаягдлыг багасгах, хэрхэн ангилах талаар сургалтуудыг зохион байгуулж, хогийн савнуудыг гадна болон дотор талбайд байршууллаа.

Үе тэнгийнхний дээрэлхэлт-ялгаварлан гадуурхалтаас урьдчилан сэргийлэх

"Бид дээрэлхэхгүй" аянд Мандах лицей ахлах сургуулийн "Сурагчдын өөрөө удирдах зөвлөл" -ийн гишүүд нэгдэж сурагчдад үе тэнгийнхний дээрэлхэлт- ялгаварлан гадуурхалтын эсрэг уриалга хүргэлээ.